'' ജാതിക്ക് ജാതി പഗെ , നായിക്ക് നായി പഗെ '' !! എന്ന് വെച്ചാൽ ഉത്തമാ , '' മനുഷ്യന് മനുഷ്യന് പക , നായ്ക്ക് നായ പക . തലയില് വരച്ചത് ഇല കൊണ്ട് മായ്ച്ചാല് പോവില്ല .'' മരണവംശം വായിച്ചു കഴിഞ്ഞപ്പോൾ ! ഇതിനു മുമ്പും എത്രെയോ പുസ്തകങ്ങൾ പല കാലങ്ങളിൽ ആവർത്തിച്ചു വായിച്ചിട്ടുണ്ട് , അവയെല്ലാം വേറിട്ട അനുഭവങ്ങൾ തന്നിട്ടുമുണ്ട് , എന്നാൽ ആദ്യമായാണ് ഒന്നിന് പുറകെ രണ്ടവർത്തി വായിക്കുന്നത് , അപ്പോൾ ഈ കഥയുടെ ആഴവും പരപ്പും അടിയൊഴുക്കും ഒന്ന് ഓർത്തു നോക്കു !! ' പൊനം ' വായിച്ചു മരണവംശം വായിക്കുമ്പോൾ കഥാ പരിസരം ഒരേ പോലെ ആണോ എന്ന് ആദ്യം തോന്നുമെങ്കിലും , കഥാപാത്രങ്ങൾ നമ്മളെ ഭാവനയുടെ രണ്ടു ആറ്റങ്ങളിലേക്ക് കൊണ്ട് പോകും . റാക്കും തോക്കും , പെണ്ണും മണ്ണും ജീവിതത്തിന്റെ ഭാഗമായ കുറേയേറെ മനുഷ്യരുള്ള ഏര്ക്കാന . ഒന്നാലോചിച്ചാൽ ' ഒരു ദേശത്തിന്റെ കഥ ' തന്നെ . കാസര്കോട് - കര്ണ്ണാടക അതിര്ത്തിയിലെ ഈ സങ്കല്പദേശത്തെ തലമുറകളിലൂടെ കൈമാറിയ തീരാപ്പക തീര്ക്കുന്ന പ്രതികാരത്തിന്റെ കഥ ! മംഗലാപു...